Prokuroria e Posaçme Kundër Korrupsionit dhe Krimit të Organizuar (SPAK) ka marrë në pyetje Hervin Çulin për shembjen e Teatrit Kombëtar.
Çuli është marrë në pyetje për rolin e tij si drejtor i Teatrit Kombëtar. Për tre orë rresht, ai ka dhënë llogari para prokurorëve të posaçëm në rolin e personit që ka dijeni për rrethanat e hetimit të Teatrit Kombëtar.
Nuk dihet ende se çfarë ka dëshmuar drejtori i TK para hetuesve të SPAK. Pritet që në vijim të zbardhen detaje rreth dëshmisë e rrëfimit të Çulit si dhe për rrjedhën që mund të marrin hetimet pas kësaj ‘interviste’.
Hervin Çuli është fiksuar teksa ka dalë nga ambientet e SPAK me një çantë të zezë në dorë, ndërsa është duke folur në celular.
Prokuroria e Posaçme kundër Korrupsionit dhe Krimit të Organizuar është duke kryer hetime për shpërdorim detyre gjatë procesit të miratimit të vendimit dhe ekzekutimit të tij me finalizim prishjen e godinës së Teatrit Kombëtar mëngjesin e 17 majit 2020.
Hetimi nisi pas kallëzimeve të bëra nga Aleanca për Mbrojtjen e Teatrit, më 31 dhjetor 2019 dhe 23 janar 2020.
j.l./ dita
Midis turpeve te Spak – Llalles eshte preokupimi serioz , per prishjen e teatrit . Po kthehen ne teatrale profesioniste . Pse ore SPAK , kjo eshte ceshtja , qe shqeteson Shqiperine dhe krizen boterore . Kam pare shume opinione , kunder SPK , ne keto spacio gazetash . Sot u binda plotesisht se vete SPAK , mundohet te kaloi kohen e lire . Eshte i pa falshem ky mungese serioziteti , pr problemet madhore , qe ka vendi . Pavaresia e institucionit , nuk presupozon neglizhence ne detyrat e nguteshme dhe ceshtje ordinere i trajtoni si hatara kombetare . E verteta eshte se nuk e justifikoni investimin e madh , qe ka bere buxheti dhe vijon te beje . Ju dini vete si ta shkruani historine tuaj .Po nje gje eshte e sigurte : Teatri ska lidhje me historine e SPAK. Zgalem