Gennaro Gattuso ka nisur aventurën e tij si trajner i Valencias dhe stërvitja e parë e grupit u ndoq me shumë interes nga tifozët, sidomos pas polemikave që kishte për ardhjen e tij në Valencia.
Lajmi se ai do të ishte trajneri i ri nuk u prit mirë nga dhe madje në rrjetet sociale pati edhe një “fushatë” kundër kësaj.
Kur u duk se tifozët filluan të pranojnë realitetin e ri, Gattuso është përsëri në qendër të vëmendjes, po për keq.
Ai është parë duke pirë cigare elektronike në fushë gjatë stërvitjes të Valencias.
Fakti që Gattuso, trajner i Valencias vazhdonte të pinte cigaren e tij elektronike ndërsa lojtarët bënin stërvitje bëri që spanjollët të reagonin shumë keq. Videoja është bërë virale dhe veprimi i tij konsiderohet si shembull i keq për të rinjtë. Mediat theksojnë se nuk është mirë të shohësh sportistë të nivelit të tyre, të cilët normalisht duhet të bëjnë një jetë të shëndetshme, të merren me duhanin që është i dëmshëm për shëndetin. Ky është mendimi i spanjollëve dhe i atyre që, tifozë dhe jo, kanë hedhur poshtë sjelljen e trajnerit në një fushë futbolli.
o.j/dita
