Prej më shumë se 1 viti ka përplasje brenda PD. Këtë e tregoi dhe një konflikt në Korçë ku kreu i PD Devis Osmani u godit me shishe në kokë nga sekretari i grupseksionit Eduart Topalli. Shkak mendohet se është një mosmarrëveshje për rezultatin e zgjedhjeve të degëve.
Topalli ka ankimuar rezultatin e zgjedhjeve për kryesinë e degës së Korçës, duke kërkuar rivotim. Situata ende nuk ka një vendim të prerë nga forumet e partisë për çështjen e konstituimit të kryesisë duke çuar në përplasje të shpeshta ndërmjet Osmanit dhe Topallit. Rastet e konflikteve kane qene te vazhdueshme mes te dyve, kjo mendohet se ka shkaktuar përplasjen e fundit ku janë përdorur dhe shishet.
Devis Osmani momentalisht mbron kryesinë aktuale duke thënë se rezultati i zgjedhjeve ka qenë korrekt. Ndërsa grupi i Topallit pretendojnë se ka pasur parregullsi në këto zgjedhje dhe ato duhen ribërë.
Megjithatë, për konfliktin e sotëm, asnjëri prej tyre nuk ka konfirmuar se ka ndodhur një përplasje fizike dhe nuk është ngritur një padi në polici.
o.j/dita
