Ngjarje e rëndë në Shkodër. Disa të rinj janë përfshirë në një sherr duke përdorur thikat, ndërsa raportohet për 3 të plagosur.
Njëri prej tyre ndodhet në reanimacion, në gjendje të rëndë për jetën.
Ngjarja ka ndodhur afër Poliklinikës së qytetit. Gazetari thotë se adoleshentët kanë qenë në një lokal.
Sipas njoftimit të policisë, një 18 vjeçar i identifikuar si A.H ka plagosur me thikë 3 bashkëmoshatarët e tij dhe është larguar nga vendngjarja.
Policia është vënë në ndjekje të tij.
Grupi hetimor ndodhet në vendin e ngjarjes, ndërkohë ka nisur hetimet për zbardhjen e rrethanave.
Njoftimi i policisë:
Rreth orës 12:30, në lagjen “Qemal Stafa”, në rrethana ende të paqarta, shtetasi A. H., rreth 18 vjeç ka dëmtuar me mjet prerës 3 bashkëmoshatarë të tij të cilët po marrin asistencën mjekësore në spital.Shërbimet e Policisë janë vënë të ndjekje të autorit dhe po ushtrojnë kontrolle në zonë, me qëllim kapjen e tij.Gjithashtu, grupi hetimor vijon punën për sqarimin e plotë të rrethanave të kësaj ngjarjeje.
j.l./ dita
