Tragjedi në mesnatë në Tiranë, sherri banal mes të rinjve për një vajzë i merr jetën 20-vjeçarit

Një i ri 20-vjeçar i quajtur Stiven Toshkesi ka humbur jetën mbrëmë në mesnatë pas një konflikti në Rrugën ‘4 Dëshmorët’ në kryeqytet, pranë gjimnazit “Partizani”.

Toshkesi është qëlluar me thikë pas sherrit për një vajzë dhe nuk ka mundur t’i mbijetojë plagëve të rënda. Ngjarja ka ndodhur rreth orës 00:35.

I riu u qëllua nga dy të rinjtë Ensi Maze dhe Axel Hoxhaj, të dy 18 vjeçarë. Ai u dërgua në spital ku ndërroi jetë për shkak të plagëve të marra.

Deri më tani është arrestuar vetëm Ensi Maze, ndërsa Axel Hoxhaj vijon të jetë ende në kërkim.

Sherri me pasoja tragjike ka ndodhur për motive banale.

Konkretisht njëri nga dy 18-vjeçarët ngacmonte të dashurën e 20-vjeçarit dhe për këtë shkak 2 javë më parë në Rrugën e Elbasanit ata ishin zënë dhe Stiven Toshkezi i kishte rrahur me grushte e shkelma.

Ndërkohë për këtë ngjarje, Maze dhe Hoxhaj, morën hak në orët e para të mëngjesit, pasi në “Rrugën e Dibrës”, pranë gjimnazit “Partizani” u takuan me Toshkezi, aty ku pas një konflikti verbal, ka nisur përdorimi i thikave.

j.l./ dita