Tre persona janë plagosur këtë mbrëmje në Vlorë, si pasojë e një sherri.
Mediat raportojnë se personat janë konfliktuar në një berberhane në lagjen 28 Nëntori.
Ngjarja e rëndë ka ndodhur mes tre personave, ku Mexhit Hyskaj 40 vjeç, ka plagosur dy të rinjtë, janë Kevin Nuredini 23vjeç, Ervis Sejko 35 vjeç. Më pas ai ka plagosur dhe veten.
Nuk dihet ende arsyeja e sherrit, që më pas ka degraduar deri në përdorimin e thikës.
Policia po punon për zbardhjen e ngjarjes.
Njoftimi i policisë:
Vlorë/Informacion paraprak
Më datë 06.10.2022, rreth orës 20:40, në lagjen “Lef Sallata”, pranë shkollës “24 Maji”, dyshohet se shtetasi M. A, si pasojë e një konflikti të çastit, ka goditur me mjet prerës (thikë), shtetasit E. S., 35 vjeç dhe K. N., 23 vjeç, të dy banues në Vlorë, të cilët ndodhen në spitalin e Vlorës, nën kujdesin e mjekëve.
Shërbimit e Policisë kanë kapur menjëherë autorin e dyshuar, shtetasin M. A., 40 vjeç, dhe e kanë transportuar për ndihmë mjekësore.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
a.m/dita
