Debati i fortë gjatë lojës spektakolare të Manchester City ndaj Real Madrid mbrëmjen e së mërkurës fashiti atë fitore fantastike që i çoi në finalen e Stambollit të Champions League, duke “rrënuar mbretërit”. Kevin De Bruyne tregoi në sfidën me Realin se është një lojtar fantastik. Protagonist me asistet e tij në rastet e dy golave, belgu, në fakt, pati një përplasje me trajnerin Pep Guardiola. Në fillim të pjesës së dytë, trajneri spanjoll u nxeh me beniamimin e tij, pasi ky i fundit e mbajti më shumë se çduhet topin.
Reagimi i De Bruynes ishte aty për aty e flakë për flakë. Pep Guardiola i bërtiste: “Paso topin, paso topin!”, ndërsa mesfushori kundërpërgjigjej tepër i nxehur dhe me shenja të pahijshme për një lojtar si ai: “Qepe, hesht!” Një përplasje që u “harrua” shumë shpejt, pasi City fitoi thellë 4-0 dhe u kualifikua në finale të Championsit, ku do të matë forcat me Interin.
Në fund të takimit, Guardiola dhe De Bruyne u përqafuan me njëri–tjetrin, duke e shënuar polemikën ende pa u ndezur. Pas takimit Guardiola u shpreh me qetësi se ai moment ishte i panevojshëm, kurse De Bruyne ende nuk ka folur.
I think De Bruyne will be sent on loan next season. He benched Pep Guardiola. 😂 He almost fought Arteta at Emirates against Arsenal. pic.twitter.com/DSfOUrXPB8
— Salibinho (@arsenalbadge) May 18, 2023