Një 49-vjeçar është vënë në pranga nga Policia e Tiranës, pas një kontrolli në banesën e tij, ku u gjetën doza të ndryshme lëndësh narkotike, të ndara në doza dhe gati për shitje.
Gjatë një kontrolli fizik në banesë, uniformat blu njoftuan se kanë gjetur sasi të konsiderueshme lëndësh narkotike, përfshirë kokainë, kanabis, ekstazi, si dhe sasi vaj kanabisi, të cilat ishin bërë gati për shpërndarje. Për pasojë 49-vjeçari me iniciale K.B., u arrestua menjëherë nga policia, e cila gjithashtu sekuestroi lëndët narkotike. Ndërsa materialet çështja i kaloi Prokurorisë Tiranë, për veprime të mëtejshme, me akuzën e prodhimit dhe shitjes së lëndëve narkotike.
