Kryebashkiaku socialist i Rrogozhinës, Edison Memolla është paraqitur paraditen e kësaj të enjteje në Prokurorinë e Posaçme Kundër Korrupsionit dhe Krimit të Organizuar (SPAK).
Memolla është pyetur në lidhje me disa emërime në Bashki.
Dyshohet se Memolla ka bërë punësime fiktive të personave që në fakt ishin jashtë vendit, ndërkohë që paguhen si punonjës të Bashkisë Rrogozhinë.
Gjithsesi kujtojmë se më 7 mars të vitit të kaluar, Partia Demokratike do të kallëzonte në SPAK kreun e sapozgjedhur të Bashkisë Rrogozhinë, Edison Memollën, me akuzën e shit-blerjes së votave.
Sipas akuzave nga PD-ja, Memolla ka qenë direkt i përfshirë në blerje votash.
Konkretisht, ai u akuzua se ka kërkuar nga punonjësit e Operatorit të Shpërndarjes së Energjisë Elektrike të japin votat për të në zgjedhjet e pjesshme të 6 marsit 2022.
j.l./ dita
