Mbi 75,000 veshje janë sekuestruar dhe gjashtë persona janë vënë nën hetim për mashtrim me një dëm të vlerësuar deri më tani në 8 milionë euro, në Itali.
Ky është rezultati i një hetimi gjigand të policisë financiare të Venezias në Itali e cila ka dalë në përfundim se në gati 400 dyqane shiteshin veshje gjoja ‘Made in Italy’ por që prodhoheshin në vende si Shqipëria, Bullgaria apo Tunizia.
Operacioni nisi nga një kontroll në autostradë ku brenda një kamioni të ardhur nga Bullgaria, u gjet një sasi e madhe rrobash që në fakt kishin siglën “Made in Italy” ose “pëlhurat më të mira italiane” por dokumentet dhe faturat e transportit treguan se ato ishin nga jashtë. Destinacioni ishte një kompani e njohur e modës me qendër në provincën e Breshias.
Nga hetimet u bë e mundur të konstatohej se fazat e përpunimit, prodhimit dhe paketimit të veshjeve do të ishin zhvilluar ekskluzivisht në vende të tjera si Shqipëria, Bullgaria dhe Tunizia.
Më pas, kompania me qendër në Brescia i importonte dhe i shpërndante për shitje në dyqane të ndryshme në të gjithë Italinë. Ato mbanin shirita pëlhure me ngyrat e flamurit italian ose formulimin Finest Italian Fabrics.
Gjykata ka lejuar kontrolledhe sekuestrim në mbi 400 biznese, shitës me pakicë të veshjeve me tregues të rremë të origjinës. Gjashtë persona deri tani do të duhet të përgjigjen penalisht për akuzën e mashtrimit.
o.j/dita
Çbën prodhuesi për bukën e gojës…???
E kush u mashtrua ai që ka pare me tepricë, në ndonjë rast edhe ndonjë i varfër po i sëmurë për veshje brand.