Katër persona janë arrestuar në Vlorë dhe një tjetër është shpallur në kërkim.
Shkak është bërë shkelja e rregullave të qarkullimit rrugor dhe kundërshtimi me dhunë i punonjësve të Policisë.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Rrethit Gjyqësor Vlorë, për veprime të mëtejshme.
Njoftimi i Policisë:
DVP Vlorë/Vihen në pranga 4 shtetas dhe shpallet në kërkim 1 tjetër, për shkelje të rregullave të qarkullimit rrugor dhe për kundërshtim me dhunë, të punonjësve të Policisë.
Specialistët e Qarkullimit Rrugor arrestuan në flagrancë shtetasit:
-50 vjeç, banues në Mamurras, pasi u kap duke drejtuar automjetin, në gjendje të dehur;
-31 vjeç, banues në Itali, pasi u kap duke drejtuar automjetin, në gjendje të dehur;
-21 vjeç, banues në fshatin Nartë, pasi u kap duke drejtuar automjetin, i papajisur me leje drejtimi.
Po këta specialistë shpallën në kërkim shtetasin 20 vjeç, banues në Fushë Krujë, pasi është larguar nga vendi i aksidentit, në aksin rrugor “Vlorë-Kuç”, ku ky shtetas ka humbur kontrollin mbi drejtimin e automjetit dhe si pasojë, automjeti ka dalë nga rruga dhe ka shkaktuar dëme materiale.
Specialistët për Hetimin e Krimeve të Komisariatit të Policisë Vlorë arrestuan shtetasin 43 vjeç, banues në Vlorë, pasi ka kundërshtuar me dhunë punonjësit e Policisë, gjatë shoqërimit në ambientet e Komisariatit, për sqarimin e rrethanave të një konflikti ndërmjet këtij shtetasi dhe familjarëve të tij.
p.k\dita
