Kemi pasur një muaj korrik ku temperaturat e larta kanë qenë protagoniste, por që rikthehen edhe këtë muaj. Termometri ka arritur rekorde historike dhe në shumë pjesë të globit ishte praktikisht e pamundur të jetosh në rrugë. Në Shqipëri rekordi shkoi 50 gradë Celcius në Kuçovë, kurse nga Irani raportohet për një grad1% më shumë në zonat e banuara dhe mbyllje të gjithçkaje për dy ditë.
Është normale që në këto kushte pyesim veten: Sa vapë mund të durojmë?
E njëjta pyetje është bërë nga një grup shkencëtarësh nga Universiteti i Roehampton, në Mbretërinë e Bashkuar. Të qenit i vetëdijshëm për efektet e nxehtësisë në trupin e njeriut është thelbësor për të marrë masa për të pajtuar punën, argëtimin dhe shëndetin.
Ne konsiderojmë se një person është i ekspozuar ndaj temperaturave të larta kur shkalla e metabolizmit të tij në pushim rritet shumë shpejt. Në mënyrë të veçantë, shkalla e metabolizmit bazë është sasia minimale e energjisë që një person ka nevojë.
Sipas hulumtimit të kryer nga ekipi i udhëhequr nga profesor Lewis Halsey, një temperaturë kritike për trupin e njeriut konsiderohet kur ajo kalon 40ºC. Në këtë kuptim, mekanizmat e kompensimit në dispozicion të trupit nuk janë më efektivë. Pas kësaj organizmi vuan dhe jep simptoma nga më të ndryshmet, ku kryesorja mbetet gjendja e të fikëtit apo ataku kardiak.