Shkoi i plagosur në spital dhe fshehu rrethanat e ngjarjes, në pranga 35 vjeçari bashkë me dy shokët e tij (EMRAT)

Një person i plagosur shkoi në këmbë për mjekim në spital, por është arrestuar nga policia e Elbasanit.

Dyshohet se plaga e tij ishte bërë nga një armë zjarri dhe pasi nuk tregoi rrethanat e ngjarjes ai u vu në pranga.

Edhe dy shokët e tij u arrestuan për moskallëzim krimi.

Bëhet fjalë për Fatmir Murati, 35 vjeç, Shkëlzen Hoxha, 33 vjeç, Mariglen Gostima, 30 vjeç, të tre banues në lagjen “5 Maji”, Elbasan.

“Më datë 30.12.2022, rreth orës 21:30, ka shkuar për mjekim në spitalin rajonal të Elbasanit, shtetasi Fatmir Murati me një plagë në këmbë, e dyshuar e shkaktuar nga një armë zjarri. Pasi ka marrë mjekim, ky shtetas ka dalë nga spitali.

Gjatë marrjes në pyetje nga grupi hetimor, shtetasi Fatmir Murati ka deklaruar se ishte dëmtuar me një hekur, pasi ishte rrëzuar nga motori, në vendin e quajtur “Harqet”.

Shërbimet e Policisë kanë shoqëruar edhe shtetasit Shkëlzen Hoxha dhe Mariglen Gostima shokë të shtetasit Fatmir Murati,., të cilët gjatë marrjes në pyetje nuk kanë treguar rrethanat e vërteta të ngjarjes.

Grupi hetimor nuk ka gjetur asnjë send të kundraligjshëm, gjatë kontrollit në vendin e ngjarjes të pretenduar nga 35-vjeçari.

Nën drejtimin e Prokurorisë pranë Gjykatës së Rrethit Gjyqësor Elbasan vijon puna për zbardhjen e rrethanave të ngjarjes, identifikimin dhe kapjen e personave të përfshirë në këtë ngjarje.

Materialet i kaluan Prokurorisë pranë Gjykatës së Shkallës së Parë Elbasan, për veprat penale ‘Moskallëzimi krimit’ dhe ‘Veprime që pengojnë zbulimin e të vërtetës’”, njoftoi policia.

a.m/dita