Shkon për të votuar, vdes sapo del nga qendra zgjedhore!

Në Spanjë po mbahen zgjedhjet rajonale dhe jo gjithçka ka shkuar siç duhet deri tani. Përveç incidenteve dhe akuzave mes forcave politike, njoftohet edhe një ngjarje tragjike. Një 96-vjeçar ka ndërruar jetë në Palencia këtë të diel, pasi ka ushtruar të drejtën e tij të votës. Ngjarja ndodhi rreth orës 13:40, jashtë shkollës “Jorge Manrique”, që ndodhet në Calle Doctrinos, në qendër të qytetit të Palencias. Si personeli shëndetësor 112 ashtu edhe oficerët e Policisë Kombëtare dhe Vendore u përpoqën ta mbanin në jetë të moshuarin, teksa po dilte nga shkolla ku shkonte për të votuar, por pa sukses. Në garë gjatë këtyre zgjedhjeve janë lëvizja “Ciudadanos”, Partia Popullore në pushtet, PSOE (socialistët) dhe lëvizja “Podemos”.