Një krim i mundshëm në familje u shmang sot në qytetin e Elbasanit. Paraprakisht njoftohet se autori është një 34-vjeçar i skeduar si person problematik dhe që dhunonte vazhdimisht familjarët e tij dhe i kërcënonte me jetë, pasi posedonte ilegalisht armë dhe municione. Policia mori sinjalizime dhe ndërhyri në kohë, duke shmangur ndonjë ngjarje tragjike. Teksa i dyshuari mundi të arratisej dhe është shpallur në kërkim. U sekuestrua arma “Kallashnikov” dhe fishekët, teksa po pyeten dhe familjarët, kurse identiteti pritet të bëhet i ditur më vonë. Burime zyrtare thanë se i dyshuari është identifikuar me inicialet D. G., por në momentin që policia i ka shkuar në banesë, 34-vjeçari ka mundur që të ikë. Gjatë kontrollit, policia ka sekuestruar 1 armë zjarri kallashnikov, 2 pako me dinamit dhe municion luftarak.
Shmanget krimi në familje në Elbasan, 34-vjeçari arratiset pasi kërcënoi prindërit me kallash. I gjendet edhe dinamit
