Një familje prej 5 personash ka rrezikuar jetën, teksa po tentonin të kalonin përroin në fshatin Kaluer të Njësisë Administrative Ungrej në Lezhë.
Automjeti me të cilin ata po udhëtonin ngeli në mes të ujit, për shkak të prurjeve të shumta të përroit nga reshjet e dendura të shiut.
Kanë qenë banorët e zonës të cilët kanë ndërhyrë, duke shmangur një tragjedi të mundshme, pasi niveli ujit ishte gjithnjë në rritje dhe rrjedha e përroit ishte e fortë.
5 personat u bllokuan në makinë në pamundësi për të dalë dhe gjithçka u zgjidh me ndihmën e personave të tjerë që konstatuan situatën.
Familja që u rrezikua ka ndjekur rrugën në të cilën kishte udhëtuar edhe më parë, duke mos patur dijeni për rritjen e menjëhershme të nivelit të ujit. Në mungesë të një rruge tjetër alternative drejtuesi i automjetit u detyruar të veprojë në këtë mënyre, duke rrezikuar jetën.
o.j/dita
