Një aksident me pasojë vdekjen është shënuar këtë të martë në rrugën “Kastriotët”, në kryeqytet.
Drejtuesi i një automjeti, ende i paindentifikuar ka përplasur një fëmijë rreth moshës 7 vjeç dhe është larguar nga vendngjarja.
Pavarësisht ndihmës së dhënë i mituri ka ndërruar jetë në spital.
“Rreth orës 11:20, në rrugën “Kastriotët”, një automjet me drejtues ende të paidentifikuar, ka përplasur një shtetas të mitur rreth 7 vjeç, dhe më pas është larguar nga vendi i aksidentit. Si pasojë, i mituri ka humbur jetën në spital”, njoftoi sot Policia.
Grupi hetimor po punon për identifikimin dhe kapjen e drejtuesit të automjetit, si dhe për sqarimin e rrethanave të aksidentit.
j.l./ dita
