Rikthehet në ambientet e policisë zyrtari vendor. Arvit Bushati, drejtori i Ujësjellësit në Shkodër, është shoqëruar mbrëmë në ambientet e Komisariatit. Zyrtari ka qenë në një nga lokalet e qytetit, kur është marrë nga patrulla e policisë, me qëllim vendosjen nën interes hetimor për një çështje. Nuk dihen ende arsyet e shoqërimit të tij në policinë Shkodër dhe pritet që policia vendore të japë sqarime në vijim.
Policia e Shkodrës bën me dije paraprakisht se është thirrur për të bërë një deklaratë, por pa saktësuar për çfarë çështjeje. Arvit Bushati u shpall në kërkim një ditë para zgjedhjeve të 14 majit, por u lirua nga kërkimi policor pas ndalimit të punonjësve të bashkisë, të cilët u arrestuan duke shpërndarë 50 pako ushqimesh të zgjedhjeve lokale, nën dyshimin për të blerë vota për Bardh Spahinë. Nuk dihet ende nëse ndalimi i Bushatit ka lidhje me këtë çështje.
