Me 3 skuadra në grup pas përjashtimit të Rusisë, Shqipëria duhet ta kishte pa shumë lodhje edicionin e Ligës së Kombeve.
Dy skuadra në letër të një niveli të përafërt me kuqezinjtë, natyrshëm sollën objektivin e vendit të parë, por minimalisht të vendit të dytë në grup. Kjo do t’i shërbente Shqipërisë për një short të mirë për kualifikueset e Europianit 2024.
Sigurisht pozicionimi në vendin e tretë do të ketë efektin e vet më 9 Tetor kur të hidhet shorti në Gjermani, vendi organizator i Europianit. Shqipëria pritet të pozicionet në vazon e tretë, çka do të thotë se në Frankfurt kundërshtarë të kuqezinjve do të jenë dy skuadra të forta.
Në vazon e parë janë të gjithë përfaqësueset më të mira europiane. Ekipe si Spanjë, Holanda, Italia, Kroacia, Gjermania pritëse, apo edhe përfaqësuese të tjera të mëdha në vazon e dytë si Anglia dhe Franca. Paraqitjet e Kombëtares në kualifikueset e fundit kanë treguar se nuk mund të konsiderohen të lehta as skuadrat në vazot 4 dhe 5.
Ndeshjet e këtij edicioni të Nations League, sëmundjen e pësimit të golave në minutat e fundit. Tashmë nuk duhet folur më për vendet e para të grupit, si objektiva të mundshëm.
a.m/dita
