Gjykata e Apelit ka lënë në fuqi masën “Arrest me burg” për 4 punonjësit e Universitetit Bujqësor të Tiranës.
Ata dyshohen për kryerjen e veprave penale të “Vjedhjes se kryer duke shpërdoruar detyrën” si dhe “Falsifikim i dokumenteve”.
Konkretisht janë lënë në burg, Ali Rasha, Drejtor i Fermës Didaktike Eksperimentale, Tahir Ballgjini, Përgjegjës i Sektorit të Bujqësisë, Rushit Suna, Specialist i sektorit të bujqësisë; Ahmet Mejdani, Magazinier në magazinën qendrore të UBT.
Katër punonjësit e Universitetit, u arrestuan më 23 shtator.
Sipas raportimeve punonjësit u arrestuan pasi dyshohet se kanë abuzuar me një tender.
Prokuroria thotë se katër të arrestuarit përvetësuan plehrat kimike, duke falsifikuar dokumentet.
o.j/dita
