Goditet një tjetër rast i shpërndarjes në doza të drogave të forta. Këtë të martë një 31-vjeçar në Durrës është vënë në pranga për veprat penale “Prodhimi dhe shitja e narkotikëve”, si dhe “Prodhimi, mbajtja, blerja apo shitja pa leje e armëve të ftohta”.
Policia bën me dije se gjatë arrestimit, 31-vjeçarit me iniciale S. S me banim në Durrës iu gjet një sasi lënde e dyshuar narkotike kokainë, e ndarë në disa doza, të gatshme për shitje si dhe mjet prerës (biçak).
“Gjatë kontrollit, 31-vjeçarit iu gjet dhe iu sekuestrua në cilësinë e provës materiale, një sasi lënde e dyshuar narkotike kokainë, e ndarë në disa doza, të gatshme për shitje. Në momentin e arrestimit shtetasi S. S. mbante edhe një mjet prerës (biçak) që gjithashtu iu sekuestrua në cilësinë e provës materiale”, njofton policia.
Materialet procedurale i kaluan Prokurorisë pranë Gjykatës së Parë të Juridiksionit të Përgjithshëm Durrës, për veprime të mëtejshme.
p.k\dita
