Një sasi lëndë plasëse ka shpërthyer mbrëmjen e djeshme pas mesnate jashtë zyrave të OSHEE në fshatin Bushat të Vaut të Dejës.
Lënda plasëse është hedhur në oborrin e OSHEE-së. Si pasojë e shpërthimit janë dëmtuar dy mjete të OSHEE, të parkuara në oborr.
Grupi i posaçëm hetimor i ngritur për zbardhjen e ngjarjes, ka siguruar prova që do të çojnë në identifikimin dhe kapjen e autorit/ëve. Aktualisht, po vijon puna për zbardhjen e rrethanave të kësaj ngjarjeje.
“Rreth orës 01:40, në fshatin Bushat, Vau i Dejës, në oborrin e zyrave të OSH EE-së, është hedhur dhe ka shpërthyer lëndë plasëse. Si pasojë e shpërthimit janë dëmtuar dy mjete të OSHEE, të parkuara në oborr. Grupi i posaçëm hetimor i ngritur për zbardhjen e ngjarjes, ka siguruar prova që do të çojnë në identifikimin dhe kapjen e autorit/ëve. Nën drejtimin e Prokurorisë së Rrethit Gjyqësor Shkodër, vijon puna për zbardhjen e rrethanave të kësaj ngjarjeje”, njofton Policia.
j.l./ dita
