Një sasi lënde plasëse ka shpërthyer pranë një biznesi në rrugën “Dritan Hoxha” në Laprakë.
Më datë 21.11.2023, rreth orës 04.50, në rrugën “Dritan Hoxha”, në Laprakë, (në rrugë) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e një biznesi përreth”, thuhet në informacionin paraprak të Policisë.
Pronari i lokalit në Laprakë, afër të cilit shpërtheu lënda plasëse, ka mohuar të ketë probleme me persona të tjerë.
Mësohet se në deklaratën paraprake që ka dhënë para unformave blu, ai ka thënë se nuk ka pasur konflikte me të tjerë dhe se nuk e di se kush mund ta ketë vendosur eksplozivin.
Sipas informacioeneve, pronari i lokalit nuk ka precedentë të mëparshëm penalë dhe njihet si një person i rregullt.
Policia ka administruar kamerat e sigurisë për të parë se kush e ka hedhur lëndën plasëse para lokalit.
j.l./ dita
