Personat që shihni në foto, janë dy viktimat që shkaktoi shpërthimi i kësaj të premteje në Lushnje
E premtja duhet të ishte një ditë normale pune, por nuk ndodhi kështu pasi një incident i rëndë u shënuar rreth orës 15:30 dhe shkaktoi dy të vdekur dhe shtatë të plagosur.
Roland Hoxha dhe i biri, Elidon ishin duke punuar në vinç ku me ndihmën e tij ngrinin dy bombola oksigjeni me të cilat po kryenin saldime në pjesën e tarracës.
Dyshohet se gjatë punës një bombol u shkëput nga vinçi dhe u përplas në tokë duke shkaktuar një shpërthim që shkatërroi gjithçka dhe mori jetën e të dyve.
Nga fuqia shpërthyese u shkëputën telat e tensionit të lartë 110 kv që kalonin sipër magazinës që po ndërtohej nga deputeti i Partisë Socialiste prej 2 mandatesh në Lushnje Bujar Çela, i cili mbeti i plagosur së bashku me pesë persona të tjerë të cilët kanë qenë duke punuar në magazinën e tij.
Të dëmtuarit u transportuan në spital për ndihmë mjekësore, ndërsa për manovratorin e vinçit Roland Hoxha i cili ndërroi jetë në vendngjarjen dhe të birin, Elidonin, i cili ndërroi jetë dy orë më vonë, mjekët nuk mundën të bëjnë gjë, pasi dëmtimet ishin të konsiderueshme.
Për ta ishte dita e parë e punës ne këtë kantier qe rezultoi dhe e fundit.
Viktimat
Roland Hoxha
Elidon Hoxha
Të plagosurit
Sajmir Koreshi
Sokol Lumi
Bujar Cela
Ervis Sharka
Lunedi Golemi
Ilia Sota
Eriget Gorovelli
Mos i gëzofshin pronat (pasuritë që kanë grabitur) duke marrë gjakun dhe jetën e njërëzve. Duke nxituar për të mbaruar sa më shpejt punën dhe duke mos u kujdesur për kushtet në të cilat punohet i merret jeta njeriut. Njërëzit po humbasin jetën sikur në këtë vend po bëhet luftë. Pse vlen kaq pak jeta në këtë vend për qytetarët e tij? Këtu ka diçka që nuk shkon. Njërëzit nga pasiguria për të siguruar mbijetesën jetojnë në një ankth të përhershëm, gjë që i bën të nxituar dhe të pa evitueshme dhe aksidentet. Këtë pra e shkakton niveli i pa qëndrueshëm ekonomik i vendit. Një shkak tjetër eshtë dhe turavrapi i të pasurve për të shfrytëzuar punëtorin pa asnjë kusht në punë. Njërëz duani më shumë jetën tuaj dhe mbroheni me të gjithë forcën atë!