“Shqipen e mësoi në burg”. Me prona në Athinë, Korfuz e Sarandë, kush ishte minoritari nga Finiqi i vrarë në Athinë

Mediat greke shkruajnë se një shqiptar është vrarë sot në Athinë, ndërsa një tjetër është plagosur.

I ndjeri Irakli Davella, në të vërtetë është minoritar nga një familje greke nga fshati Mesopotam i Finiqit, i ikur në Greqi në moshë të mitur.

Shqipen e ka mësuar vonë, madje një i afërm i tij i tha korrespodentit të gazetës DITA në Athinë se ai e fliste ende me vështirësi dhe theks të rënduar shqipen dhe se thoshte shpesh që shqipen e kishte mësuar mirë në burg.

Ai kishte prona në Athinë, Korfuz dhe Sarandë. Në Sarandë ka edhe disa miq të ngushtë.

Bashkëshortja e tij është nga Delvina dhe ata kanë dy fëmijë, vajzë dhe djalë. Ky i fundit, rreth 18 vjeç, merret me boks.

Ai dallohej për gjatësinë trupore dhe afërmit e përshkruajnë si një person të dashur dhe shumë bujar. Por Davella konsiderohet nga policia një përsonazh i lidhur prej vitesh me botën e krimit në Greqi.

Në një dokument zyrtar të Parlamentit grek në vitin 2013, ku përmenden personazhe të përfshira në grupe kriminale të përfshira në gjobvënie, vrasje, pastrim parash etj, nënvizohet edhe emri i 47-vjeçarit nga Mesopotami i Finiqit, i vrarë sot në Athinë.

Bëhet fjalë për një debat të nisur nga partia “SYRIZA”, mbështetur edhe me dokumente zyrtarë. Mes të tjerash, në dokumenta, pasqyrohen emrat e pjesëtarëve të disa grupeve.

Konkretisht në grupin e cilësuar “B”, ku përfshihen mafiozët grekë Vasilis Grivas (vrarë në 2017), Jorgos Litsas (vrarë në 2018) dhe Manolis Karaggianis (vrarë në 2018), rezulton edhe emri i Irakli N. Davella, vrarë sot në dhjetor 2024.

n.s. / dita