“Partitë e djathta në Evropë e Ballkan kanë nevojë për më shumë kurajo e identitet për të qeverisur”, ka deklaruar këtë të martë për RTV Ora, ish-zv. kryeministri Italian Matteo Salvini.
Lideri i Partisë “Lidhja”, Matteo Salvini, i pyetur nga gazetarja Alba Kepi, se ku po gabon Evropa me vendet e Ballkanit, u shpreh se Shqipëria po bën hapa të shpejta përpara, dhe se Bashkimit Evropian i mungon kurajoja për të çuar përpara procesin integrimit me shtetet e rajonit.
“Para së gjithash mendoj se Shqipëria po bën hapa të jashtëzakonshëm përpara. Ka një ekonomi e një sistem ekomomik me një nivel të lartë rritje, e një rini që e kam zili. E një chapeau Shqipërisë se si po zhvillohet vitet e fundit. Ka një kërkesë të Shqipërisë për të qenë vend anëtar i Bashkimit Evropian që më vitin 2009 në mos gaboj. Pra kanë kaluar 13 vite e unë pyes; Në këto 13 vite si i kanë kaluar në Bruksel, jo vetëm sa i takon Shqipërisë, por dhe ndaj vendeve të tjera si Serbia e cila po bën përmirësime me hapa të rëndësishme.”
Kurajoja është edhe ajo që i mungon partive të qendrës së djathtë që po hasin vështirësi të për të qeverisur në Evropë.
Për senatorin Italian, ajo çfarë ka shkaktuar edhe dobësimin e partive të qendrës së djathtë ka qenë bashkëpunimi me të majtën.
I pyetur mbi vështirësinë që qendra e djathtë ka për të qeverisur në Evropë, Salvini u shpreh se kësaj force i duhet më shumë kurajo për të marrë përpara hapa të rëndësishme.
“Në Parlamentin Europian, shumë shpesh partitë e qendrës së djathtë i shkojnë pas partive popullore, komuniste, jeshile, socialistëve, liberalëve e gjithë forcave të tjera të majta. Qendrës së djathtë në Europë përgjithësisht i duhet më shumë kurajo, më shumë identitet, pasi jemi të ndryshëm e kemi një ide ndryshe shoqërinë e mbi familjen.”
Në konferencë për Shtyp Matteo Salvini komentoi edhe luftën në Ukrainë, për të cilën tha se uron që të mos përsëritet historia e luftë e ftohtë e as të ngrihen mure si ai i Berlinit e as të izolohet gjysma e botës sepse kjo do çojë vetëm në favorizimin e ekonomisë kinezë.
a.m/dita
Ky eshte i pabese! Nje filorus e filoserb interesaxhi.
Hajdutin e popullit shqiptar nuk e pranojne ne Europe.Pun e madhe!E pranojne ne Beograd.
O Salvini!Ruj mos ka bere ndonje hap anash,por nuk e ke pare ti.
Rruga per ne Moske,kalon nga Beogradi.
Shqiperia nuk ka bere hapa para, por kilometra para, mafia dhe krimi kane kapur pushtetin ose flirtojn me te.
Shqiperia eshte bere qendra e Evropes per prodhim dhe shperndarje droge.
Palermo e viteve ’70 ne shekullin e kaluar eshte lule para Shqiperise se vitit 2022.
Salvini ky gamor i perjetshem e njihka aq shume Shqiperine sa paska zili rinine shqiptare qe po iken nga syte kembet prej kesaj “Shqiperie me nje Ekonomi ne nivel te larte rritje rritje” !!