Në sy të mediave ndërkombëtare ka rënë Diella, ministrja virtuale që do të mbulojë prokurimet publike.
“Një ministër i ri në Shqipëri i ngarkuar me prokurimet publike do të jetë i paprekshëm nga ryshfetet, kërcënimet apo përpjekjet për të fituar favore. Kjo sepse Diella, siç quhet ajo, është një robot i gjeneruar nga Inteligjenca Artificiale”, shkruan agjencia e lajmeve Reuters.
Në shkrim thuhet se kryeministri Edi Rama, i cili është gati të fillojë mandatin e tij të katërt, tha se Diella, që do të thotë “diell” në shqip, do të menaxhojë dhe japë të gjitha tenderët publikë në të cilët qeveria kontrakton kompani private për projekte të ndryshme.
“Diella është anëtarja e parë e kabinetit që nuk është fizikisht e pranishme, por është krijuar virtualisht nga inteligjenca artificiale”, citohet Rama nga prezantimi i kabinetit të tij të ri. Ajo do të ndihmojë që Shqipëria të bëhet “një vend ku tenderët publikë janë 100% të lirë nga korrupsioni”.
Reuters shkruan se dhënia e kontratave të tilla ka qenë prej kohësh një burim skandalesh korrupsioni në Shqipëri, një vend ballkanik që ekspertët thonë se është një qendër për bandat që kërkojnë të pastrojnë paratë e tyre nga trafikimi i drogës dhe armëve në të gjithë botën, dhe ku korrupsioni ka arritur në korridoret e pushtetit.
Reuters thekson se shefi i qeverisë shqiptare nuk dha detaje se çfarë mbikëqyrjeje njerëzore mund të ketë për Diellën, as nuk trajtoi rreziqet që dikush mund të manipulojë robotin e inteligjencës artificiale.
“Ky imazh e ka komplikuar pranimin e Shqipërisë në Bashkimin Evropian, të cilin Rama dëshiron ta arrijë deri në vitin 2030, por që analistët politikë e thonë se është ambicioz. Qeveria nuk dha detaje se çfarë mbikëqyrjeje njerëzore mund të ketë për Diellën, ose nuk trajtoi rreziqet që dikush mund të manipulojë robotin e inteligjencës artificiale”, shkruan Reuters.
Diella fillimisht u lançua në fillim të këtij viti si një asistente virtuale e mundësuar nga inteligjenca artificiale në platformën e-Albania, duke ndihmuar qytetarët dhe bizneset të marrin dokumente shtetërore. E veshur me veshje tradicionale shqiptare, ajo ofron ndihmë përmes komandave zanore dhe lëshon dokumente me pulla elektronike, duke zvogëluar vonesat burokratike.
Jo të gjithë janë të bindur. Një përdorues i Facebook-ut tha: “Edhe Diella do të korruptohet në Shqipëri.” Një tjetër shkroi: “Vjedhja do të vazhdojë dhe faji do t’i kalojë Diellës.” Parlamenti i ri, i zgjedhur në maj, është planifikuar të mblidhet të premten, megjithëse mbetet e paqartë nëse qeveria do të votohet në të njëjtën ditë, shkruan Reuters.
j.l./ dita
Jo jo kshu eshte zog kurve ai sido te vej faj i ngelet tekogjis.
Ketej e tutje, po kishte korrupsion me tenderat, ne nuk dime gje ate e di Diella. Tani se kush e kontrollon dhe manaxhon algorithmin e Dielles, ajo nuk eshte puna juaj. Nuk eshte nevoja ta dini. Ju vetem paguani ato taksat e kontributet dhe duartrokisni shfaqjen e cirkut, se te tjerat i kemi ne.
Prite kur te thot, po çfaj kam un që Djella ha mega dhe giga byte paz krahëve të mi!
Ekonomi s`ka,,Ushtri s`ka.Industri,s`ka,,Korrupsioni Hata..Cfare do beje qe te trondisi boten?Llap Topin e zyres do ta beje Ministri.
Buka pe kartoni,mishi pe najloni,domatet dru,frutat helmu,,Cfare do beje qe te cudisi OKB ?Do sajoje shtetin e baba Mondit,qe ha mish e pi raki.
Kur s`ke pune do luash deren.
Tape ne arifmetike,tape ne fizike,tape ne kimi,.Ah moj Neta,moj Neta,ce ke ate Edin!Na shkriu me lot e me qyrra kur e lexuam hartimin e Edit ne sallen e mesuesve!
Ja,I kompensoi te gjitha.Se cdo sakat e ka nje shqise shtese per te kompensuar sakatllekun.
Të gjallët t’a fusin mbrapa krahëve,pse mos ta provojë me artifica?Tek e fundit çudia pjell çudira në vazhdim.Edhe bota është në dilem!Me lirinë apo me autoritarizmin?Mbase zgjidhet pa luftë por me Diellën!