Një tjetër medalje për Shqipërinë në ‘Lojërat Mesdhetare’. Këtë herë ka qenë radhë e peshëngritësit Erkand Qerimaj, i cili ka fituar medaljen e argjendtë në Algjeri, në provën e 3 të shkëputjes 149 kg. Qerimaj u shpall kampion Evrope në peshëngritje stil shkëputjes, të fituar në Tiranë një muaj më parë.
Kjo është medalja e tretë e Shqipërisë në Algjeti, pasi atletja Luiza Gega fitoi medaljen e Artë në në garën 3000 metra me pengesa duke thyer edhe rekordin kombëtar që mbahej po nga ajo vetë. Luiza Gega bëri një paraqitje shumë të mirë duke vendosur një rekord të ri kombëtar dhe duke përmirësuar rezultatin e një muaji më parë në Holandë.
Gjithashtu medalje të artë mori edhe mundësi Zelimkhan Abakarov që u shpall kampion në peshat 65 kg në stilin e lirë. Ndërsa një medalje të tretë bronzi e ka marrë mundësi Islam Dudaev.
8 sportistë shqiptarë kanë garuar deri më tani në Lojrat Mesdhetare që po mbahen në Oran të Algjerisë. Nga 5 mundës Osman Hajdari dhe Abakarov janë ende në garë, kurse në boks medalisti botëror Alban Beqiri fitoi në turin e parë. Ky është edicioni i 19-të i lojrave mesdhetare. 3500 atletë nga 26 shtete te mesdheut do të garojnë në Oran të Algjerisë për 244 medalje në 24 sporte të ndryshme.
o.j/dita
