Shqipëria është ndër vendet më të varfra të Europës, por për disa çmime mund të krahasohet me shtetet më të pasura.
Një prej këtyre produkteve janë këpucët. Mesatarisht në Shqipëri një palë këpucë kushtojnë 16% më shumë se mesatarja e Bashkimit Europian.
Psh, nëse në BE, këpucët janë 100 euro në dyqan, në Shqipëri ato i blen për 116 euro.
Ky është çmimi i gjashtë më i shtrenjtë në Europë, pas Danimarkës (125%), Islandës (123.5%), Zvicrës (121.6%), Estonisë dhe Finlandës me 117%.
Më të lirat në Europë, këpucët i gjen në Turqi, me 30% të mesatares Europiane, dmth një palë që në BE kushtojnë 100 euro, në Turqi i blen me 30 euro.
Edhe për veshjet shqiptarët duhet të shpenzojnë më shumë për shkak të çmimeve të shtrenjta. Veshjet kushtojnë rreth 5% më shumë sesa mesatarja e Europës.
Edhe në këtë renditje, Shqipëria është e 11-a më e shtrenjtë.
Në vend të parë është Zvicra (44% më shumë se mesatarja e BE-së), ndërsa më e lira sërish është Turqia, me rreth 30% të mesatares së BE-së.
Teksa tregtia me pakicë e veshjeve dhe këpucëve është riorganizuar dekadën e fundit drejt qendrave tregtare, çmimet duket se janë bërë më të shtrenjta.
Sipas të dhënave të Eurostat, në 2014-n, çmimet e veshjeve ishin sa 85% e mesatares europiane, ndërsa ato të këpucëve, sa 92%.
Këpucët e kaluan mesataren e BE-së në 2020-n (102.9%), ndërsa veshjet në 2023-n.
Çmimet e shtrenjta çojnë shqiptarët të Gabi
Të dhëna të tjera tregojnë se me inflacionin e lartë të dy viteve të fundit ka një zhvendosje të blerjeve të konsumatorëve shqiptarë, të cilët kanë frenuar blerjen e veshjeve të reja, duke u zhvendosur tek të përdorurat.
Të dhënat e INSTAT, nga tregtia e jashtme tregojnë se në 8-mujorin 2024, importet e tekstilit dhe këpucëve në vlerë shënuan rënie me 8.6% dhe nga ana tjetër, importet e veshjeve të përdorura shënuan rritje me 4.7%.
Gjatë janar-gusht 2024, importet e veshjeve të përdorura arritën 2,47 miliardë lekë nga 2,3 miliardë lekë në të njëjtën periudhë të vitit 2023.
Ndërsa tekstilet dhe veshjet e reja shënuan 56 miliardë lekë importe, nga 61,4 miliardë që ishin vitin e kaluar në 8-mujor.
Importet e veshjeve zënë pjesën më të madhe importit duke arritur në 47.3 miliardë lekë në janar-gusht 2024, me rënie vjetore 8.47%.
Importet këpucëve shënuan një vlerë prej 8,8 miliardë lekësh në të njëjtën periudhë nga 9,7 miliardë lekë që u importuan në të njëjtën periudhë të vitit 2023 me rënie vjetore 9.3%.
Rënia e importeve të veshjeve dhe këpucëve vijon për të dytin vit radhazi, pasi edhe më 2023 ishin 4,2% më të ulëta se më 2022.
Nga ana tjetër, tregu i veshjeve të përdorura po rritet nga viti në vit. Vlera në import kaloi 24 milionë eurot në 8-mujor me rritje vjetore 4.7%.
Monitor
allbania urupiane, histori suksesi per drogaxhinjte
Por per disa cmime po thoni se mund te krahasohet me vendet e pasura?? Per tere cmimet or per te tera, kjo eshte e verteta! Shkojne shqiptaret ne Maqedoni e Malin e Zi e furnizohen me ushqime qe jane absolutisht me te lira se ne tregun vendas e kur kthehen mbushin edhe makinat me karburant, se edhe ate e kemi me cmimin me te lartin ne rajon fale papergjegjshmerise totale te nje qeverisje te deshtuar ne aspektin baze te qeverisjes, ne Ekonomi.
Këto studimet e Monitor-it nuk m’a mbushin mëndjen! Arsyeja është se analizon në mënyrë jo bindëse. P.sh. i referohet çmimit të këpucève duke « haruar » që këpucët kanë çmime të ndryshme në varësi të llojit, cilësisë, kërkesës, etj.
Pdhdhdh! Ja fut kot! I blini te perdorura te gabi. Ja u zgjidh.
Te shpallet Nder i Kombit komuniteti, Harixhi,Rom,Gabel,Cigan!Zgjidhni cfare Emri ju pelqen!
Veshen Popullin shqiptar keto 34 vjet .
Është i vështirë krahasimi, se shumëçka varet nga cilësia. Në Europën Perëndimore me 60 euro gjen këpucë për të qënë. Që mbajnë e pakta 3 vjet edhe sikur ti mbathësh çdo ditë.
Nje pietje kishnjem u: Ato kepucet ne Turqi sa here mbathen para se te grisen?