Të gjithë ata që kanë bërë plane për pushime për ditët në vijim, nuk duhet të shqetësohen për motin. Kjo pasi Shërbimi Meteorologjik parashikon që edhe kësaj jave, moti të jetë i mirë dhe me temperatura të larta.
Kjo situatë vjen si pasojë e ndikimit të anticiklonit afrikan, i cili sjell me vete jo vetëm masa ajrore të thata, por edhe të nxehta. E gjithë java në vijim pritet të shoqërohet me temperatura maksimale deri në 36 gradë, sidomos në zonat e ulëta dhe ato bregdetare.
Nuk do të mungojnë as alternimet e vranësirave kalimtare kryesisht në mesditë dhe pasdite.
