Policia e Shtetit në një konferencë për mediat ka dhënë detajë për operacionin “Krahët e krimit” në Shijak, ku është zbuluar një “shtëpi bari” dhe arsenal armësh.
Mësohet se aktiviteti zhvillohej në një banesë katër kateshë në pronësi të dy vellëzerve, ndërsa 2 katet e fundit përshtatur për rritjen e bimëve narkotike.
Në ambientet e godinës janë gjetur dhe sekuestruar 444 lëndë narkotike kanabis dhe 222 llampa elektrike dhe pajsje të tjera.
Po ashtu pas kontrolleve të imtësishme, në një mur të dyfishtë është gjetur edhe një arsenal armësh, konkretisht 10 kallashnikovë, 1 pushkë, 1 automatik shars, granata dore, një hark luftarak, një jelek antiplumb, një palë dylbi dhe municion luftarak që u sekuestruan në cilësinë e provës materiale.
Dyshohet se armët mund të jenë fshehur nga pjesëtarë të grupeve kriminale, ndërsa po ashtu po punohet për indentifikimin e autorëve të vërtetë që mund të qëndrojnë pas këtij aktiviteti.
Mësohet se në pranga është vënë Fredi Krasniqi, ndërkohë që po punohet për kapjen e vëllait të tij Selman Krasniqi.
j.l./ dita
