Drejtori i burgut të Rrogozhinës, Bilal Hasa, i cili ishte shpallur në kërkim si pronar i “shtëpisë së barit” që u zbulua në Peqin, është dorëzuar në polici.
Ai nuk ka pranuar akuzat dhe ka hedhur poshtë pretendimet e ngritura në njoftimin e policisë, duke deklaruar se nuk ka asnjë lidhje me veprimtarinë e paligjshme të zbuluar në godinë. Mësohet se ai ka pohuar se prej disa muajsh nuk ka shkuar në atë objekt dhe se nuk ka pasur dijeni për atë që mund të ishte ushtruar aty.
Ndërkohë, gjatë ditës, policia e Elbasanit në një njoftim për mediat dha më shumë detaje për operacionin në fjalë.
“Në vijim të planit të masave për evidentimin dhe goditjen e kultivimit të bimëve narkotike në ambiente të mbyllura, bazuar edhe në informacionet e siguruara në rrugë operative, shërbimet e Policisë në kuadër të operacionit policor të koduar ‘Kurtaj’, ushtruan kontroll në fshatin Kurtaj, njësia administrative Gjocaj. Gjatë kontrollit, në bodrumin e një magazine, u konstatuan 2 ambiente të përshtatura për kultivimin e bimëve narkotike me anë të llambave, ku ishin kultivuar rreth 4000 bimë kanabis. Nga veprimet hetimore rezultoi se ambienti është në pronësi të shtetasit B. H., i cili u shpall në kërkim”.
Përveç Bilal Hasës, në kërkim u shpall edhe përgjegjësi i OSHEE-së për zonën e Peqinit, me akuzën e shpërdorimit të detyrës.
“Operacioni, nën drejtimin e Prokurorisë Elbasan, vijon, ndërsa po punohet intensivisht për identifikimin dhe nxjerrjen përpara përgjegjësisë penale të personave të tjerë të përfshirë në këtë veprimtari kriminale”, thekson policia.
Ja do bejne sikur do e qortojne, do i japin nja dy muaj detyrim paraqitje ose sberbim prove..nje got vere nga ato te gysit edhe 3 dit zgjat tafmaja.
Me vjen keq se do i marrin ca nga leket qe i ka “fituar” me djersen e pushtetit !