Nga 1 janari duhani do të kushtojë më shumë. Bazuar në kalendarin 5-vjeçar për akcizat dhe paketën fiskale 2023, çmimi për 1 mijë fije cigare do të rritet në 7 mijë lekë nga 6 mijë e 750 lekë që aktualisht është. Kjo do të thotë se me nisjen e Vitit të Ri, shqiptarët do të paguajnë mesatarisht 5 lekë më tepër për çdo paketë.
Risi është që për herë të parë, këtë vit, hyjnë në akcizë edhe produktet alternative të duhanit. Cigaret elektronike dhe ato me djegie.
Qeveria synon që nëpërmjet rritjes së çmimit të cigareve të ulë konsumin, duke mbrojtur shëndetin.
Në buxhetin për vitin e ardhshëm qeveria planifikon të grumbullojë 59 miliardë lekë apo gati 520 milionë euro nga akcizat, ku peshën më të madhe pritet ta mbajë ajo mbi duhanin. Ndërkohë, për ekspertët e tregut, qeveria duhet të rrisë kontrollin ndaj tregimit informal të duhanit.
Shtrenjtimi i duhanit në janar ka bërë që importuesit e mëdhenj të rrisin importet. Të dhënat nga Instituti i Statistikave tregojnë se në nëntor u futën nga jashtë 319 tonë duhan, niveli më i lartë i viteve të fundit.
Në linj të të ngjashme shkojnë edhe shifrat e 11-mujorit ku rezulton se në harkun e muajve janar-nëntor u importuan nga jashtë gati 2 mijë e 900 tonë duhan, duke u rritur në raport me vitet paraardhëse.
o.j/dita
Qeveria kontrollon tregetine ilegale te duhanit dhe shikoni tatimoret dhe antikontrabanden se kush e drejton.