Shtyhet sërish seanca për Laert Haxhiun i akuzuar për vrasjen e dyfishtë në Lushnjë në vitin 2017, ku humbën jetën Jurgen Hoxha dhe Zamir Latifi, ndërsa i shpëtoi atentatit Xhulio Shkurti.
Gjykata e Posaçme caktoi seancën e radhës me datë 1 dhjetor për t’i dhënë kohë avokatit të caktuar kryesisht të njihet me dosjen si dhe prokurorisë për të paraqitur provat shkresore.
Gjatë seancës pati debate mes avokatit Detar Hysi dhe relatorit të seancës Erjon Çela. Hysi kërkon që gjykata të pranojë kërkesën e tij për heqje dorë nga përfaqësimi i Haxhiut me argumentin se klienti nuk do më të mbrohet prej tij. Trupi gjykues i kryesuar nga Erjon Cela relatoi se Hysi duhet të qëndrojë deri në zëvendësimin nga avokati kryesisht.
Laert Haxhiu u arrestua muaj më parë në Janinë të Greqisë.
Gjykata e Apelit të Janinës ka dhënë dritën jeshile për ekstradimin e të shumëkërkuarit Laert Haxhia, duke rrezuar vendimin e dhënë nga Gjykata e Shkallës se Parë, që kishte refuzuar ekstradimin e Haxhiut.
Ministria e Brendshme ka konfirmuar për ABC News se Gjykata e Apelit të Janinës ka vendosur pro ekstradimit, por sipas legjislacionit grek, Laert Haxhiu ka të drejtën të kërkojë shqyrtimin e këtij vendimi nga Gjykata e Lartë.
Laert Haxhiu kërkohet nga drejtësia shqiptare për disa ngjarje të rënda kriminale. Ai është dënuar me 18 vite burg nga Gjykata e Lushnjës, për plagosjen e Sajmo Xhelilit dhe Xhulio Shkurtit, ky i fundit nipi i Aldo Bares.
p.k\dita
