Shtyhet sërish seanca për inceneratorin e Fierit. Gjykata e Posaçme argumentoi se duhet ende kohë për t’u njohur me kërkesat e palës mbrojtëse. Ndërkohë, seanca e radhës u caktua në datën 29 Maj, ora 10:00.
Sipas togave, kërkesat janë voluminoze dhe kërkojnë kohë për njohjen e tyre. Mes personave që kishin pretendime, ishin Arben Dervishaj, i cili kërkoi shpalljen e moskompetencës nga GJKKO dhe kalimin për në Gjykatën e Tiranës. Gjithashtu, përmes mbrojtjes Dervishaj kërkoi nga prokuroria të sqarojë qëndrimin e saj mbi akuzat e rikualifikuara në seancën paraprake.
Ndërkohë, edhe i pandehuri Arenc Myrtezani përmes mbrojtjes kërkoi papërdorshmërinë dhe pavlefshmërinë e akteve proceduriale. SPAK sipas tij nuk ka respektuar procedurën duke bërë në mënyrë të njëanshme ekzaminimet e tyre.
Njësoj si Dervishaj, i pandehuri Regan Merdani kërkoi shpalljen e moskompetencës nga GjKKO, për akuzat e ngritura ndaj tij. Avokati i Arbër Denizit që ndodhet në kërkim kërkoi pezullimin e shqyrtimit ndaj tij me pretendimin se nuk ka marrë në asnjë rast njoftim për procesin ndaj tij.
Gjykata nuk u shpreh dot ditën e sotme për formën e gjykimit, për shkak të volumit të ankimeve, ndërkohë që shumica prej të pandehurve kanë kërkuar gjykim të shkurtuar.
p.k\dita
