Edhe Grabriele Gravina ka reaguar pas vdekjes së Silvio Berlusconit, presidentit të Monzas dhe ish-presidentit historik të Milanit.
Presidenti i Federatës Italiane të Futbollit, pasi konfirmoi se në ndeshjet e ardhshme do të mbahet një minutë heshtje në ndër të tij, deklaroi:
“Silvio Berlusconi ndryshoi historinë e futbollit italian. Ai ishte një fitues që ia doli të linte një gjurmë të qartë dhe të pashlyeshme në zhvillimin e botës sonë.
Kontributi i tij përsa i përket pasionit, inovacionit dhe investimeve, gjithmonë me vëmendje të veçantë ndaj lojës së bukur dhe argëtimit, ka qenë thelbësor.
Për afirmimin e lëvizjes sonë në arenën ndërkombëtare”, u shpreh kreu i FIGC. Ceremonia mortore e Berlusconit, do të zhvillohet të mërkurën e 14 qershorit në Milano.
Udhëheqësi i Forza Italia dhe presidenti i Monza u nda nga jeta mëngjesin e së hënës në orën 9:30. Në spitalin San Raffaele të Milanos, në moshën 86-vjeçare.
