Forca e Posaçme Operacionale ka vënë në pranga mbrëmjen e djeshme në Berat, ish-shefin e policisë në stacionin e Dhërmiut, Sokol Bode që është i përfshirë në trafikun e drogës me grupin “Habilaj”.
GJKKO e ka dënuar Boden me 12 vite burg në mungesë, ndërsa nga fashikujt e dosjes hetimore për grupin që kishte lidhje me ish-ministrin e Brendshëm, Saimir Tahiri rezulton se ish-zyrtari del në përgjimet e viti 2019 me pjesëtarë të bandës.
Përgjimet
Më datë 15.10.2017, ora 09:11, numri që mbaron me 777, që përdoret nga Florian Habilaj, është telefonuar nga numri që mbaron me 888, që i përket Sokol Bodes.
Më datë 16.10.2017, ora 15:31, numri që përdoret nga Artan Habilaj, ka marrë sms
nga një numër që mbaron me 987 me këtë përmbajtje: Shih lajmet te “Klani”
Më datë 16:10.2017, ora 17:29 e në vazhdim, Armando Koçerri, pjesë e grupit të Habilajve është telefonuar nga motra e tij:
Koçerri: Hë
Motra: Ç’bëtë juve, mbaruat punë
Koçerri: Pse kishe gjë apo…
Motra: Jo, ore jo, nuk kisha gjë. Ka dalë te Fokusi Qendra Babicë e Madhe, në televizor për qendrën që s’është në rregull
Koçerri: Po mirë, le të dalë
Motra: Shikoj i çik lajmet
Koçerri: Pse?
Motra: Hë ore
Koçerri: Të orës tre e gjysmë
Motra: Jo, ore jo, tani të orës 5
Koçerri: Sa
Motra: Jo ore jo, tani lajmin e fundit shikoje, hajd
Koçerri: Hë, alo
Motra: Po lehin qentë poshtë shtëpisë së xhaxhait ore
Koçerri: Ja se po vij unë, te diga jam
Motra: Ee, ndaj të mora
Në orën 21:10, Armando Koçerri është telefonuar nga Florian Habilaj
Koçerri: Hë vlla
Habilaj: Ça bën o
Koçerri: Hiç në shtëpi, ç’kemi
Habilaj: Do vish i çik nga Fredi
Koçerri: Mirë
Më datë 17.10.2017, ora 21:49, Armando Koçerri është telefonuar nga motra e tij
Koçerri: Hë
Motra: Ça bëre ti
Koçerri: Hiç
Motra: Ka njerëz poshtë te ullinjtë
Koçerri: Kush ka?
Motra: Po lehin qentë. Nuk e di a po shkulin ullinjtë apo ça po bëjnë, po ka njerëz poshtë te ullinjtë
Motra: Tani pushuan qentë
Koçerri: Shiko i herë me dritë
j.l./ dita
