Zbardhen të tjera detaje rreth vrasjes në Fier, ku roja i një sere perimesh u gjet i pajetë me disa plagë të shkaktuara nga goditja e thikës.
Ngjarja e rëndë ndodhi në fshatin Mbrostar Ura, ku i vrarë mbeti Petraq Gjika, vëllai i kryeplakut të këtij fshati.
Grupi hetimor po merr objekte dhe prova nga vendi i ngjarjes që mund të çojnë tek autori i saj. Ekspertë të drejtorisë së policisë Fier po krehin të gjithë zonën.
Paraprakisht dyshohet se ka qene një person i vetëm ai që ka kryer vrasjen dhe është larguar në këmbë nga vendi i ngjarjes.
o.j/dita
