Nga Erion Braçe
Pesë gra të qëlluara me armë zjarri: tre të vdekura, dy të plagosura. Vetëm në një ditë, në një bashki, Kamëz, thuajse në Tiranë, kryeqytet.
Ditë më të zezë se kjo për vendin, nuk ka! Jo thjesht për gratë; për sistemin që kemi ngritur në 33 vite. Nuk funksionon, është në krahun e burrave vrasës, as ndëshkon e as edukon, thjesht i riciklon të vrasin përsëri; Jo thjeshtë gratë e tyre, ish gratë që kanë patur kurajon t’i shporrin nga jeta si të dhunshem, por të tjera gra familjare e pa asnjë lidhje veç asaj të gjakut;
Të kesh vrare nje grua, të kesh përdhunuar një tjetër, të kesh dhunuar një tjetër akoma dhe të jesh i lirë të lëvizesh me kallash, e të qellosh katër gra njëherësh, thuajse t’i vrasesh të katërta, nuk është më, as dhunë në familje, as thjesht vrasje! Është terror! Por mbi të gjitha është dështim i merituar i një shoqërie që gruan nuk e do kurrë të lirë dhe vendim-marrëse për veten dhe jetën e saj; ndryshe e fyen, e shan, e sulmon, e poshtëron, e përdhunon, e rreh, e vret barbarisht!
Kjo tjetra pastaj, te vrasesh nje vajze per hakmarrje ndaj nje keqberesi të mbyllur pas hekurave, eshte nivel tjeter paburrerie, turpi e neverie qe nuk ka asnje lidhje as me ate ku referohet, Kanunin! Gruaja nuk preket!
Sa here i kemi thene keto fjale? Po aq here gratë jane vrare! Çfare ka ndodhur me pas? Jane vrare prape gra!
Unë besoj se e gjitha është çështje kulture, mendesie, troç nuk zgjidhet veç me polici dhe policë. Por eshte edhe çështje sistemi, ligji, zbatimi, drejtë dhe pa tolerancë!
Ka ardhur koha qe ky takëm burrash qe vrasin gra, t’i ndjekë një strukturë e posaçme, e përzgjedhur nga radhët e burrave dhe grave që nuk urrejnë gratë, nuk i japin të drejtë kulturës që justifikon burrat e dhunshëm dhe nënshtrimin e grave.
Nje strukture vertikale qe nis tek policia e shkon deri ne gjykaten me te larte te ketij vendi, e cila ndjek kemba kembes keta, parandalon, ben drejtesi, pa lene hapesire qe kriminele si ky i fundit, te jene te lire per te vrare serish gra e vajza!
Dreqi ta hajë, merrni e mbani përgjegjësi, jo thjesht karrige!! Ngushellime familjeve të grave të vrara sot! E di qe kjo nuk u lehtëson aspak!
—–
Nga faqja e autorit në Facebook
