Kryeministri Edi Rama është shprehur se dypunësimi i mjekëve, pas skandalit tek Spitali i Onokologjikut, do të jetë i mundur vetëm nëpërmjet marrjes së aprovimit.
Në podkastin “Flasim”, Rama u shpreh se mjeku për të punuar në privat duhet të njoftojë dhe të marrë aprovim, duke shtuar se “s’mund të jetë ‘hajt se po nisemi’. Kryeministri theksoi gjithashtu se “sjellja e pacientit sa andej këndej është thyerje e rëndë e kodit të etikës”, referuar dërgimit të tyre nga ana e bluzave të bardha nga spitalet shtetërore në ato private.
Ndërsa shtoi se spitalet në Shqipëri i shajnë ata që nuk i kanë parë vitet e fundit, duke u shprehur se “kanë kujtimet e të shkuarës”.
Edhe aparaturat krahasuar me vendet që janë në majat e botës, si Spanja, kemi mangësi. Aparaturat bazike i kemi, por duhen që bëjnë veprime më të specializuara.
Ajo që ndodhi tek Onkologjiku ishte shumë prekëse, pra ishte tregues që kemi nevojë të përmirësojmë sistemin, mënyrën e menaxhimit.
Kemi mjekë shumë të mirë, nuk diskutohet. Kur të del një rast si ai, ose si i Sanatoriumit një infermiere atje në kohën e pandemisë, janë raste që godasin besim tek sistemi.
Spitalet në Shqipëri i shajnë ata që nuk i kanë parë vitet e fundit, kanë kujtimet e të shkuarës. Nuk kanë pasur nevojë të shkojnë, e thonë ‘ku ka spitale’.
Kam dëgjuar profesorë të huaj që thonë “Nuk e besojmë dot që ka një spital në Shqipëri si ai i sëmundjeve të brendshme”. Mundohem të jem realist. Po e pashë unë gri nuk i vjen e keqja njeriu, po e pashë rozë mund të sjellë rozë.
“Mjekët duhet të marrin aprovim”! Pse aprovimi është problemi?! Duhet rregullore që t’a dinë jo vetëm mjekët, por edhe pacientët të cilët paguajnë tek privati. Duhet rregull standart, në mënyrë që të mos abuzohet dhe pacienti të dijë para se të vizitohet se sa shpenzime do të kryejë. Afishimi i çmimeve eliminon pagesat nën dorë, ku pacienti paguan dhe nuk e din në se mjeku mbeti i kënaqur me pagesën.
I mënçur është ai që nxjerr përvoja nga pësimi i tjetrit, për këtë vendoset i mënçurit në krye, ndërsa për etikën e mjekutqë na shprehet kryeministri po e prekim çdo ditë, me ligje dhe rregulla të forta ndërtohet shteti. Dhe si ishte dhe është mjekësia këto 30 vjet, e dimë, është kthyer në mjelësi, të mjelësh sa të mjelësh me një fjalë KÇK(kap ç’të kapësh). Realiteti në mjekësi është shumë i hidhur ose ndryshe helm i sheqerosur.