Bashkëshorti i ish-sekretares për Sigurinë Kombëtare të Shteteve të Bashkuara, Kristi Noem, Bryon Noem, ka zhvilluar për muaj të tërë biseda me disa punonjëse seksi.
Ai paguante për këto biseda dhe për fotot që i dërgonin, duke ndarë gjithashtu me ta selfie ku fytyra e tij ishte e njohshme dhe trupi i tij i veshur me rroba që e bënin atë të dukej si një lloj Barbie me hipertrofi gjoksi.
Në të vërtetë, 56-vjeçari Bryon Noem ishte i interesuar dhe kishte kontakte virtuale përmes telefonit të tij me fenomene të njohura si “Bimbofication”, një fetish që lidhet me transformimin e grave në kukulla të mbivlerësuara seksualisht.
Historia, e ilustruar me foto të Noem dhe intervista me bashkëbisedueset e tij, është publikuar nga tabloidi britanik Daily Mail. Vetë ai ka konfirmuar përfshirjen në këtë skandal.
Për Kristi Noem ish-guvernatoren e konservatorëve të South Dakota-s dhe ish-sekretaren e palëkundur të çështjeve anti-immigracion të ICE, që u largua nga posti më 5 mars pas ngjarjeve në Minneapolis, kjo është një skandal i madh.
Noem, ish-mbretëreshë bukurie që jeton në një ranç pranë Castlewood, një fshat me 700 banorë, dhe e njohur si cowgirl, përballet tashmë me polemika të tjera rreth një marrëdhënieje të dyshuar me këshilltarin e saj Cory Lewandowski, marrëdhënie e njohur si “sekreti më pak sekret i Uashingtonit”. Sipas akuzave, kjo lidhje mund të ketë përfshirë përdorimin e fondeve publike.
Ish-ministrja, tani e emëruar nga Trump si e dërguar speciale për Shield of the Americas, një organizëm për sigurinë kontinentale, ka deklaruar se është “e shkatërruar” nga zbulimet për bashkëshortin, të cilat e kapën “papritur”. Një nga zëdhënësit e saj ka kërkuar respektimin e privatësisë dhe lutje për familjen.
Megjithatë, përtej sjelljeve private të bashkëshortit, të cilat mund të dëmtojnë reputacionin e ish-ministres, qëndrojnë çështje më të rënda: aktiviteti online i Bryon Noem e ekspozonte atë ndaj rrezikut të shantazhit, duke kërcënuar potencialisht sigurinë kombëtare për të cilën gruaja e tij ishte përgjegjëse.
Gazetari i Axios, Marc Caputo, ka zbuluar se fotot komprometuese i ishin dërguar edhe atij ndërkohë që Kristi Noem ishte ende në detyrë, dhe burimi i tyre ishte një punonjëse seksi e huaj, ndoshta pa dokumente, e cila kërkonte të hakmerrej për viktimat e brutalitetit të ICE.
