Pamje të frikshme dhune janë parë në një stacion metroje në Iran, ku policia ka dhunuar gratë që nuk mbanin shami.
Lajmin e bëjnë të ditur media te huaja, të cilat thonë se forcat iraniane të sigurisë hapën edhe zjarr ndaj njerëzve në stacionin e metrosë në Teheran.
Këto pamje vijnë në një moment që protestat për vdekjen e 22-vjeçares Mahsa Amini hynë në muajin e tretë.
Pamjet e shpërndara në mediat sociale treguan pasagjerët që vraponin drejt daljeve, me shumë të rënë dhe duke u shkelur, pasi policia hapi zjarr në një platformë të mbushur me njerëz. Policia u filmua gjithashtu përmes dritareve të trenit duke marshuar nëpër vagona dhe duke rrahur gratë me shkopinj, raporton the Guardian.
Më shumë se 300 njerëz janë vrarë nga forcat e sigurisë gjatë dy muajve të protestave, sipas grupit të të Drejtave të Njeriut në Iran (IHR) me qendër në Oslo. Grupi thotë se 15 mijë njerëz janë arrestuar, një shifër që autoritetet iraniane e mohojnë.
Pesë protestues deri më tani janë dënuar me vdekje. Në fillim të këtij muaji, 272 nga 290 ligjvënësit iranianë votuan për zbatimin e dënimit me vdekje për krime të rënda kundër shtetit dhe përsëritën kërkesat nga disa zyrtarë për të marrë një qëndrim më të ashpër kundër trazirave që tregojnë pak shenja të zbutjes.
a.m/dita
Lereni Iranin te gjeje vete rrugen e demokracise.Pse si mendoni ju se Demokracia blihet apo dhurohet ? Duhet ta fitosh ate?