Skënderbeu ka arritur të marrë tre pikët falë një autogoli ditën e sotme përballë Dinamo City.
Ndeshja ka qenë interesante me shumë raste, por goli vështirë të hynte në portë. Në minutën e 49’ të pjesës së dytë, një aksion i bukur i krijuar nga Rashica në krahun e djathtë, bëri të dërgonte topin brenda zonës, por për fatin e keq të Dinamos, Behiratche dërgon topin në portën e tij, duke i dhënë kështu avantazhin vendasve.
Deri në fërshëllimën e fundit pati raste të tjera nga të dyja skuadrat, por në përfundim rezultati mbeti i njëjtë.
Skënderbeu në dy javë kampionat ka dy fitore dhe gjashtë pikë, ndërsa Dinamo dy humbje. Di Biagio ende nuk ka shijuar pikë në aventurën shqiptare. Më herët këtë të premte, Erzeni dhe Vllaznia barazuan 2-2.
