Sipas një sondazhi të sindikatës më të madhe në Itali, Cgil, 9.2 milionë qytetarë përballen me vështirësi të konsiderueshme, qoftë për shkak se janë të papunë ose sepse puna e tyre nuk u garanton atyre të ardhura të kënaqshme.
Instituti kërkimor Giuseppe Di Vittorio, i cili i përket sindikatës Cgil, ka vazhduar regjistrimin e të papunëve dhe atyre që janë dekurajuar dhe kanë pushuar së kërkuari punë. Në këtë fazë bëhet fjalë për rreth 4.3 milionë qytetarë.
Në të njëjtën kohë, 4.9 milionë qytetarë të tjerë punojnë vetëm për periudha të shkurtra kohore ose u detyruan të pranojnë punësim me afat të caktuar, me të ardhura që nuk mbulojnë nevojat e tyre. Vështirësitë, sipas sindikatës Cgil dhe fondacionit Di Vittorio, janë më intensive për të rinjtë deri në njëzet e katër vjeç dhe gratë.
Mungesa e punës dhe kushtet e pakënaqshme lidhen drejtpërdrejt me grupmoshat e ndryshme : në Itali 61,7% e të rinjve deri në 24 vjeç janë të papunë, kanë pushuar së kërkuari punë ose nuk janë të kënaqur me të ardhurat dhe kohëzgjatjen e punës së tyre, ndërsa përqindja përkatëse zbret në 13,9% për qytetarët nga 55 deri në 64 vjeç.
a.m/dita
Ne Itali nuk ekziston papunesia, ka vetem dembela qe nuk duan te punojne por te etojne ne kurriz te prindeve apo te marrin “redditto della cittadinanza”. Ne Itali vjen vazhdimisht emigracion qe gjen punen menjehere ne ndertim apo ne bujqesi kurse te rijt italiane duan te zgjedhin punen.