Ditën e sotme, ish-presidenti i Shqipërisë, Bujar Nishani do të festonte ditëlindjen e tij të 56-të, mirëpo fatkeqësisht u nda nga jeta për shkak të Covid.
Familja e tij ia ndjen mungesën dita ditës por dhimbja shtohet në këtë ditë të veçantë.
Vajza e ish-presidentit, Fiona Nishani ka publikuar në rrjetet sociale një foto ku duket krah të atit të ndjerë, dhe shkruan: “Shkoi ora 12:00 dhe unë s’të uroj dot. Më mungon shumë babi”.
Edhe kryetari i Partisë së Lirisë, Ilir Meta ka përkujtuar ditën e lindjes së ish-Presidentit Bujar Nishani.
Gjatë një statusi në rrjetet sociale, Meta ka publikuar foton e Bujar Nishanit ndërsa në përshkrim thotë se ia ndien mungesën politikanit që i shërbeu për shumë vite shtetit shqiptar. Gjithashtu Meta shkruan se Nishani do të kujtohet gjithmonë për patriotizmin, integritetin, urtësinë dhe mençurinë e tij.
“Sot më 29 Shtator, përkujtojmë ditën e lindjes së Presidentit Bujar Nishani. Do të donim shumë që këtë 56-vjetor të lindjes ta festonim së bashku me Presidentin, mungesa e të cilit ka lënë një boshllëk të madh tek familjarët, të afërmit, miqtë, shokët dhe bashkëpunëtorët.
Presidentin Nishani do ta kujtojmë gjithmonë për patriotizmin, integritetin, urtësinë dhe mençurinë, vlera të cilat ai i shfaqi çdo ditë në detyrën e Kryetarit të Shtetit, por edhe në çdo detyrë tjetër dhe angazhim politik”, shkruan Ilir Meta.
Nishani ndërroi jetë në muajin maj , pas përkeqësimit të gjendjes së tij shëndetësore në një spital në Gjermani ku ishte shtruar. Ish presidenti u dërgua për kurim në Gjermani, pasi vuante nga pneumonia bilaterale me insuficience respiratore, si pasojë e komplikacioneve të shkaktuara nga Covid-19.
j.l./ dita
Lesh more dita se keta jane te shitur te axhenda e plandemise!