Përfundon afati prej 3 muajsh që parashikon Kodi zgjedhor shqiptar për betimin e Fredi Belerit si kryetar të Bashkisë në Himarë.
Ndaj dhe pasditen e sotme do të zhvillohet një protestë ku do kërkohet lirimi i menjëhershëm i tij.
Në tubim do të flasë kryetari i bashkisë së Athinës, Kostas Bakojanis, ndërsa i pranishëm do të jetë edhe kryetari i Bashkisë së Selanikut, Konstantinos Zervas.
Ndërkohë ministri i jashtëm, Giorgos Gerapetritis, ka kontaktuar dy herë me telefon homologen e tij shqiptare, Olta Xhaçka lidhur me çështjen.
Protesta organizohet me iniciativën e organizatës “Omonoia”, në ora 18:00, në Pedonalen Qendrore të qytetit.
Fredi Beleri dhe Pandeli Kokaveshi u arrestuan 2 ditë para zgjedhjeve lokale të 14 Majit, pas një hetimi të nisur nga Prokuroria e Vlorës në datën 8 Maj me dyshimet se shtabi elektoral i kandidatit të koalicionit “Bashkë Fitojmë” po shpërndante para në këmbim të votave.
I vendosur në “arrest me burg” që nga prangosja e tij, Beleri ka mohuar akuzat dhe e ka konsideruar hetimin ndaj tij sulm politik. • Ndërsa Kokaveshi, për shkak të gjendjes së tij shëndetësore, është lënë në shtëpi.
j.l./ dita
