Prokuroria e Posaçme Anti-korrupsion ka kërkuar 1 vit burg për kryebashkiakun e Mallakastrës, Qerim Ismailajn, i cili akuzohet për falsifikim të formularit të dekriminalizimit. Ismailaj nuk ka qenë i pranishëm në seancën e ditës së sotme, por është përfaqësuar nga avokati i tij.
Më 1 nëntor GJKKO vendosi të marrë të pandehur Qerim Ismailaj, kryebashkiaku Mallakastrës pasi kishte fshehur një dënim me 3 vite burg në Greqi, të ndodhur 21 vite parë. Kryebashkiaku Ismaili akuzohet për falsifikim të formularit të dekriminalizimit.
Qerimaj u denoncua nga PD, ndërsa letër-porosia e autoriteteve greke zbuloi dënimin e dhënë për ngjarjen e vitit 1999 për rrahje ndaj një personi. Nga përgjigja e letër porosisë greke rezulton se Ismailaj ka patur dijeni për procedimin ndaj tij dhe ka firmosur dokumenta tek pala greke. Ndërsa publikisht ka deklaruar se s’ka patur dijeni dhe është proceduar në mungesë. Në rast të gjetjes fajtor dhe dënimit Qerim Ismailaj humb mandatin e kryebashkiakut.
Me ndryshimet ligjore dhe ngritjen e SPAK, ky është zyrtari i parë i cili nga ligji i dekriminalizimit merret i pandehur nga SPAK, ndërsa më herët kanë qenë Prokuroria e Tiranës.
