SPAK ka kërkuar rikthimin në qeli të Alqi Bllakos. Së fundmi Gjykata e Posaçme e Apelit për Korrupsionin dhe Krimin e Organizuar ka regjistruar çështjen në ngarkim të ish-deputetit Alqi Bllako, ku SPAK ka ankimuar vendimin për lirimin e tij, duke kërkuar rikthimin e tij në burg.
Gjykata e Apelit ka vendosur të shqyrtojë më datë 9 nëntor, ankimimin që SPAK i bëri vendimit të Gjykatës së Posaçme për lirimin e Alqi Bllakos.
“Gjykata e Posaçme e Apelit për Korrupsionin dhe Krimin e Organizuar ka regjistruar çështjen nr. 180 akti, datë 04.11.2022, në ngarkim të personit nën hetim Alqi Bllako, mbi ankimin e paraqitur nga Prokuroria e Posaçme kundër Korrupsionit dhe Krimit të Organizuar kundër vendimit nr. 382, datë 06.10.2022 të Gjykatës së Posaçme të Shkallës së Parë për Korrupsionin dhe Krimin e Organizuar. Trupi gjykues monokratik i përbërë nga gjyqtarja Iliriana Olldashi caktoi seancën gjyqësore për shqyrtimin e kësaj çështje më 09.11.2022, ora 09:00″, thuhet në njoftimin e Gjykatës.
Ish-deputeti Alqi Bllako u lirua nga gjykata në fillim të muajit Tetor, vetëm 6 muaj pasi u burgos. Ai mori një masë më të butë sigurie, “arrest shtëpie” për akuzat e korrupsionit dhe shpërdorimit të detyrës në lidhje me koncensionin e inceneratorit të Fierit.
Masa e sigurisë për Bllakon u ndryshua pas pretendimeve se gjendja familjare është e rënduar, ka fëmijë të mitur për t’u kujdesur dhe se hetimet për dosjen janë drejt fundit.
o.j/dita
Spak duhet te jete me kerkuese ne akuzat qe leshon.Nje here ne burg dhe nje here ne shtepi.
Beni koka turku duke perzgjedhur nje person 2 apo 3 per ti futur brenda! Keto bandat e drejtesise pse nuk flisni, sic eshte skuthi Eriol Roshi, gjyqetare, shkelqim Ganaj, qe edhe sot leviz me makinat Inspektoriatit deklarimit pasurise, pasi eshte nje tjeter krye inspektore ka kthyer probe veten, olisi kimici, nje hajdut komisionit pavarur kualifikimit, i denuar per korrupsio sot ben viting, kush flet per drejtesi, sokol sadushi, ervin pupe, turp krimi organizuar kapi shqiperine turp, cohuni popull e luftoni se neser do kapi ju…ku eshte spaku, pse nuk arreston shkelqim ganaj, me mire se drejtuesi spakut nuk e di njeri sa i korruptuar eshte ai? Pse hesht spaku