Avokatët e kryebashkiakut Veliaj thanë se Prokuroria e Posaçme ka refuzuar një kërkesë të misionit monitorues të Kongresit të Autoriteteve Lokale të Këshillit të Europës për t’u takuar me Veliajn.
Misioni i KE vizitoi Shqipërinë në datat 17-19 nëntor dhe mbrojtja e Veliajt tha se misioni kishte kërkuar një takim në ambientet e IEVP Durrës, ku Veliaj mbahet në paraburgim prej shkurtit 2025.
Gjatë qëndrimit dyditor në Tiranë, misioni monitorues zhvilloi disa takime me institucionet shqiptare dhe u prit edhe nga Avokati i Popullit dhe Gjykata Kushtetuese e Shqipërisë.
Gjatë takimit me Gjykatën Kushtetuese, sipas njoftimit për media, u diskutua gjerësisht në lidhje me kuadrin ligjor shqiptar për sa i përket qeverisjes dhe autonomisë vendore, si dhe rasteve kur është vënë në lëvizje Gjykata Kushtetuese.
Këto të fundit kanë pasur kryesisht si objekt shqyrtimi zgjidhjen e konfliktit të kompetencave midis organeve të qeverisjes qendrore dhe asaj vendore, kontrollin e kushtetutshmërisë së ligjeve, si dhe ankimet individuale në rastet e shkarkimit nga detyra të kryetarëve të bashkive dhe komunave.
j.l./ dita
Nderhyrja e Kryeministrit ne Pushtetin Lokal eshte flagrant ne Rastin e Vlores/Doreheqja e Detyruar dhe poshterimi publik i kreut Dredha nuk duhen toleruar.
Goditja e SPAK kunder kryebashkiakeve te korruptuar dhe hajdute eshte e drejte dhe nuk duhet konsideruar su nderhyrje ne Pushtetin Lokal,por si ndeshkim i korrupsionit.