Prokuroria e Posaçme kundër Korrupsionit dhe Krimit të Organizuar, nëpërmjet një deklarate për shtyp, ka sqaruar një urdhër të mëparshëm për ndalimin e publikimeve të dëshmive të Nuredin Dumanit dhe Henrik Hoxhajt, duke theksuar se ky vendim shkon vetëm për një gazetar të caktuar dhe jo për gjithë gazetarët.
Sipas njoftimit nga SPAK, interpretimet mbi urdhrin e lëshuar me firmën e tre prokurorëve të strukturës, përfshi numrin dy të Prokurorisë, Altin Dumani, kanë qenë të gabuara, pasi nuk bëhet fjalë për të gjithë gazetarët.
“Ky urdhër i është komunikuar në datën 16.06.2022 gazetarit E.Q, kundrejt nënshkrimit për marrjen dijeni, pasi gazetari ka publikuar disa të dhëna sekrete, që shkonin përtej vendimit të gjykatës me objekt caktimin e masave të sigurimit personal‘arrest në burg’, në kuadër të procedimit penal nr.75/2022 dhe që në përputhje me nenin 295/a/4 të Kodit Penal përbëjnë akte sekrete të procedimit penal nr.75/2022”.
Kështu e arsyeton SPAK vendimin.
Madje, prokuroria po kryen te gjitha veprimet hetimore të nevojshme për të sqaruar rrethanat në të cilat informacioni hetimor sekret është transmetuar tek personat që më pas e kanë publikuar atë.
Arsyeja për këtë gjë, është vënia përpara përgjegjësisë e personave që e kanë thyer sekretin hetimor.
Njoftimi:
Nisur nga interpretimet e bëra në media, lidhur me urdhërin e prokurorëve të Prokurorisë së Posaçme Kundër Korrupsionit dhe Krimit të Organizuar, datë 14.06.2022 ‘’Për ruajtjen e sekretit, ndalimin e publikimit të akteve dhe përmbajtjes së tyre’’ sqarojmë se ;
Ky urdhër i është komunikuar në datën 16.06.2022 gazetarit E.Q, kundrejt nënshkrimit për marrjen dijeni, pasi gazetari ka publikuar disa te dhëna sekrete, që shkonin përtej vendimit të gjykatës me objekt caktimin e masave të sigurimit personal ‘’arrest në burg’, në kuadër të procedimit penal nr.75/2022 dhe që në përputhje me nenin 295/a/4 të Kodit Penal përbëjnë akte sekrete të procedimit penal nr.75/2022.
Sqarojmë se Prokuroria e Posaçme Kundër Korrupsionit dhe Krimit të Organizuar, këtë urdhër ia ka adresuar vetëm një gazetari dhe për arsyen konkrete të sipërcituar.
Prokuroria e Posaçme Kundër Korrupsionit dhe Krimit të Organizuar, po kryen te gjitha veprimet hetimore të nevojshme për të sqaruar rrethanat në të cilat informacioni hetimor sekret është transmetuar tek personat që më pas e kanë publikuar atë, me qëllim vënien përpara përgjegjësisë të personit/personave që ka/kanë nxjerrë sekretin hetimor.
Ne mirëkuptojmë interesin e mediave për informimin e opinionit publik, por ky interes nuk mund dhe nuk duhet të cenoje një hetim të filluar dhe as sigurinë publike apo individuale të personave emrat e të cilëve janë përmendur gjatë hetimit, i cili vazhdon.
a.m/dita
Si perfundim, Sapaku po lufton kunder gazetarise dheshtypit te lire, jo kunder krimit te organizuar ne korrupsionin shteteror
Asnje nuk Ka te drejte te perhapen sekrete hetimore ,qefte Edhe prokurori ,apo hetuesi i ceshtjes,Jo me gazetari.Ka gazetare investigative qe Jane bere,dhe une dyshoj,se Jane pjese e krimit te organizuar,zedhendes te tyre. Artan Hoxha ,bredh lirshem parcele me parcele hashashi.Me foto eshte publikuar dhe nuk e gjen gje.Provoni shkoni dhe beni foto ne parcele hashashi qe duhet me kallash.Njeh mire strukturen e grupeve kriminele.Klodiana L’ala po’ ashtu.Dine mire ,madje kriminelet rrefehen lirisht ne to.Iu be Atentat alibi klodianes,por deri tani asgje,as prokuroret ,as klodiana.Atentat per forcimin e besimit tek organet kompetente.Dhe asnje nuk kujtohet te ndjekin e zbulijne krimin nisur nga viktima qe komunikon lirshem me krimin.Ana tjeter ,keta gazetare mbajne te fshehte autorete e ngjarjeve kriminele,Jo vetem qe me komentet e tyre bejne lajmerimin e krimineleve per rezikun qe u afrohet .Dhe “talocelet “nuk kapen asnjehere.Nese doni “talocelet”,vec “dumaneve”ndiqni piste “Hoxha ,L’ala,Qino..,”